Սա շրջադարձային իրողություն է․ Էրդողանը՝ ԻՊ առաջնորդի սպանության մասին

«Իսլամական պետություն» ահաբեկչական կազմակերպության ղեկավարի վերացումը շրջադարձային իրադարձություն է ահաբեկչության դեմ պայքարում։ Այս մասին, ինչպես փոխանցում է NTV հեռուստաալիքը, հայտարարել է Թուրքիայի նախագահ Ռեջեփ Թայիփ Էրդողանը։

«Ահաբեկիչների ղեկավարին չեզոքացնելը շրջադարձային իրողություն է ահաբեկչության դեմ մեր և մեր դաշնակիցների մղած պայքարում: Թուրքիան, ինչպես նախկինում, հետագայում էլ շարունակելու է իր ներդրումն ունենալ ահաբեկչության դեմ պայքարում»,-ասել է Թուրքիայի նախագահը։

• Թրամփը շնորհակալություն է հայտնել ԻՊ առաջնորդին ոչնչացնելիս ԱՄՆ-ին օժանդակած երկրներին

Էրդողանը հավատում է, որ մարդկությունը խաղաղության մեջ կապրի, եթե կազմակերպված և դաշինքի ոգով պայքար լինի ահաբեկչության դեմ:

• ԻՊ-ի առաջնորդի աճյունը կարող է հանձնվել ծովին․ CNN

Հիշեցնենք, որ երեկ՝ հոկտեմբերի 27-ին, ամերիկյան հատուկ գործողության հետևանքով սպանվել է Իսլամական պետության առաջնորդ Աբու Բաքր ալ Բաղդադին։