«Բարսելոնայի» ֆուտբոլիստ Արտուրո Վիդալը Իտալիա տեղափոխվելու մտադրություններ ունի։ Այս մասին հայտնում է լրագրող Նիկոլո Սկիրան։
Ըստ աղբյուրի՝ Վիդալով հետաքրքրված է Միլանի «Ինտերը»։ Թիմի գլխավոր մարզիչ Անտոնիո Կոնտեն ֆուտբոլիստին դիտարկում է որպես կիսապաշտպանական գծի ուժեղացման համար առաջնահերթություն։ Նշվում է, որ Վիդալի գործակալն արդեն սկսել է բանակցությունները՝ տրանսֆերի հետ կապված։
Հաղորդվում է նաև, որ «Բարսայի» կիսապաշտպանը մերժել է չինական ակումբներից մեկի առաջարկը։
