Ֆինլանդիայի Ռովանիեմի քաղաքում շարունակվում է ծանրամարտի մինչև 20 և մինչև 23 տարեկանների Եվրոպայի առաջնությունը: Մրցելույթներն ավարտվեցին քիչ առաջ Մ20 տարեկան 81 կգ քաշային կարգի տղաները: Հայաստանը ներկայացնում էին Կարեն Մարգարյանն ու Սուրեն Գրիգորյանը:
Առաջին վարժության արդյունքներով Կարենն ու Սուրենը նվաճել էին համապատասխանաբար փոքր ոսկե և արծաթե մեդալներ: Հաջող հանդես եկան տղաները նաև հրում վարժությունում:
Երկամարտի 330կգ արդյունքով Կարեն Մարգարյանը հռչակվեց Եվրոպայի չեմպիոն, իսկ Սուրեն Գրիգորյանը՝ 328կգ(148+180) արդյունքով դարձավ փոխչեմպիոն:
Սուրեն Գրիգորյանը նաև փոքր արծաթ նվաճեց հրում վարժությունում:
Այսպիսով՝ հայ մարզիկները նվաճեցին արդեն 4-րդ ոսկե մեդալը այս առաջնությունում: