Կոլումբիական բիզնես դպրոցի պրոֆեսոր Բրյուս Քրեյվնի կարծիքով «Գահերի խաղը» հեռուստասերիալը կարող է ուսուցողական նշանակություն ունենալ ապագա մենեջերների համար:
«Դա հրաշալի շոու է, և մարդկանց գրավում է, քանի որ խաղադրույքները բարձր են՝ կա՛մ հաղթում են, կա՛մ մեռնում: Մեր կյանքը նույնպես շատ լարված է՝ կարող է լինել թե՛ վեճ ու կռիվ, թե՛ անկում, թե՛ գլխապտույտ հաջողություն, թե՛ մրցակցություն: Մենք «Գահերի խաղից» կարող ենք սովորել, թե ինչպես դառնալ առաջնորդ և ուժեղ անհատականություն, նաև ինչպես օգնել այն մարդկանց, ում սիրում ենք», – այսպես է մեկնաբանում պրոֆեսորը հայտնի հեռուստասերիալը:
Փորձագետները նկատել են, որ ֆիլմը նաև սերմանում է սեր և նվիրվածույթյուն ընտանիքի հանդեպ: Ուշադրության են արժանացել կանանց կերպարները: Կանայք անցնում են սարսափելի փորձությունների միջով՝ դառնալով ավելի ուժեղ և սովորելով պաշտպանել իրենց ընտանիքը:
