Ստեփանակերտ մտնող գազատարի վերանորոգման աշխատանքներն ավարտվել են

Արցախի մայրաքաղաք Ստեփանակերտ մտնող գազատարի վերանորոգման աշխատանքներն արդեն ավարտված են ու գազամատակարարումը կվերականգնվի այսօր։

Այս մասին հայտնում են «Արցախգազ» ՓԲԸ-ից։

Նշվում է, որ վերականգնումը նախատեսվում է ժամը 20:00-ի կողմերը։

Ըստ աղբյուրի՝ մի փոքր ավելի ուշ կվերսկսի նաև գազալցակայանների աշխատանքը։