Գազայի հատվածում գործող պաղեստինյան խմբավորումներից մեկը հայտնել է, որ իր զինյալներն իսրայելական անօդաչու թռչող սարք են խոցել: Այդ մասին հաղորդում է RT-ն։
Ինչպես փոխանցում է աղբյուրը, «Աբու Ալի Մուստաֆայի բրիգադի» (Պաղեստինի ազատագրման ազգային ճակատի մարտական թևը) դիպուկահարները լրտես անօդաչուն խոցել են Հան Յունիս քաղաքից դեպի արևելք:
Նշվում է նաև, որ խոցված անօդաչուն գրավվել է խմբի ակտիվիստների կողմից, որոնք հետագայում խոստանում են ապացույցներ ներկայացնել:
Իսրայելական բանակը առայժմ ձեռնպահ է մնացել մեկնաբանություններից:
