ՄՅՈՒ-ն գտել է Ռոնալդուին հավանական փոխարինողին

«Մանչեսթեր Յունայթեդը» փոխարինող է փնտրում հարձակվող Կրիշտիանու Ռոնալդուին, ով կարող է հեռանալ ակումբից, հայտնում է Deportes Cuatro-ն։

Ֆուտբոլիստը հեռացվել է «Մանչեսթեր Յունայթեդի» գլխավոր թիմի հետ մարզվելուց՝ Պրեմիեր լիգայի 12-րդ տուրի՝ «Տոտենհեմ Հոտսպուրի» դեմ խաղի եզրափակիչ սուլիչից առաջ (2-0) թողնելով պահեստայինների նստարանը։

Աղբյուրի համաձայն՝ մանկունիանցիները փոխարինող են դիտարկում Մադրիդի «Ատլետիկոյի» հարձակվող Ժոաո Ֆելիշին։

Անգլիական ակումբը խաղացողով հետաքրքրված էր այս ամառ։ Հաղորդվում էր, որ «Մանչեսթեր Յունայթեդը» 22-ամյա պորտուգալացու համար առաջարկել է 130 միլիոն եվրո։