Լիբանանում զանգվածային հակակառավարական բողոքի ակցիաներ են սկսվել այն բանից հետո, երբ տեղի բժիշկները հրաժարվել են առանց գումարի բուժել պաղեստինցի 3-ամյա երեխային, ինչի հետևանքով վերջինս մահացել է. հայտնում է РИА Новости-ն:
Նշվում է, որ վիրահատության համար պահանջվում էր 25 հազար դոլար:
Մարդիկ դուրս են եկել փողոցներ՝ ծածանելով Լիբանանի ու Պաղեստինի դրոշները:
Նշվում է, որ մայրաքաղաք Բեյրութում ցուցարարների ու իրավապահների միջև բախումներ են տեղի ունեցել:
Ցույցերը Լիբանանում անցնում են տնտեսական և քաղաքական ճգնաժամի ֆոնին: Երկրի ղեկավարությունը մայիսից չի կարողանում կառավարություն ձևավորել: