ՀՀ ԲՏԱ նախարար Հակոբ Արշակյանը Facebook-ի իր էջում կատարված գրառման միջոցով շնորհակալություն է հայտնել հեռահաղորդակցության օպերատորներին և աջակից կազմակերպություններին։
«Այսօր՝ ապրիլի 24֊ին, մենք բոլորս հարգում ենք Հայոց ցեղասպանության սրբադասված նահատակների հիշատակը:
Հաշվի առնելով ներկա իրավիճակը՝ տեխնոլոգիական լուծում ենք տվել Ձեր բոլորի ներկայությունը Ծիծեռնակաբերդի հուշահամալիրում ապահովելու համար՝
Այդ հարցում ցանկանում եմ շնորհակալություն հայտնել հայաստանյան բոլոր հեռահաղորդակցության օպերատորներին և աջակից կազմակերպություններին՝ «Ռոստելեկոմ» Հայաստան, «Վեոն Արմենիա», «Վիվա֊ՄՏՍ», «Յուքոմ», «Ղ֊տելեկոմ», Նիկիտա Մոբայլ ընկերություններին:
Նրանց աջակցության շնորհիվ Հայաստանից և Արցախից յուրաքանչյուրը կարող է 1915 համարին 1 դրամ սակագնով կարճ հաղորդագրությհան (SMS) միջոցով ուղարկել իր անուն, ազգանունը, իսկ արտասահմանից հաղորդագրություն ուղարկելու դեպքում՝ +37433191500 հեռախոսահամարին, և հուշահամալիրի պատին ողջ գիշեր հնչող երաժշտական կատարումների ընթացքում լուսային արտացոլման տեսքով ներկա գտնվել և հարգանքի տուրքը մատուցել զոհվածների հիշատակին:
Հավելեմ, որ յուրաքանչյուր համարից կարող եք մինչև 5 անուն ուղարկել։
Այս օրը յուրաքանչյուր հայի համար հիշատակի օր է և միևնույն ժամանակ՝ համախմբվելու, միավորվելու:
Առողջ եղեք, միասնականությամբ մենք կարող ենք հաղթահարել ամեն դժվարություն», – գրել է Արշակյանը:
https://www.facebook.com/hakobarshakyanpage/photos/a.2267107383315957/3549861555040527/?type=3&__xts__%5B0%5D=68.ARAnHwJtfJfsPy7iZQjWvoYD6dbomX8J6H3ahIDtR_O7akLTqUZKYOh-Do-ATHQtpgkDNSd9Y2KA9ZOnPfLmHNCAJM5ExBtFzY1Me5BDnJNxqXHAJt7GSHAm9UUZWprAlzFR_nJqGUJobMBZj4cxc_BNnhDWQ5rmJfI9HVtHlDUOAm7OUzeSIWaeJGJi31FvtQ76jTjBaMUD1xD6wvp9Q5lv7ZEc7R8-i6B-OLCutFswWaFLdI0Sk1-Pj89iFQ7mDRrV2hvCrrWGD6tNsvchXjN1zYjuk9fTzj6_aXvrVJX9yVT0M9Fq806S5tCXKCnR-67obMZgUAjr9lKTxOzNVT2IK83w&__tn__=-R
