Հարավաֆրիկյան Հանրապետության Կվազուլու-Նատալ նահանգին պատուհասած ջրհեղեղը ողբերգական հետևանքներ է ունեցել։
Ջրհեղեղը հետևանքներ է թողել շուրջ 40 հազար մարդու վրա, որոնցից մոտ 13 600-ը մնացել են առանց օթևանի։
Այս մասին տեղեկացնում է Interfax-ը։
Նշվում է, որ տարերային աղետի հետևանքով զոհերի թիվը հասել է 400-ի։
Ըստ աղբյուրի՝ ջրհեղեղը հանգեցրել է հոսանքազրկումների, ջրամատակարարման դադարեցումների, ինչպես նաև Դուրբան նավահանգստի աշխատանքի խաթարման, որը ՀԱՀ-ի ամենածանրաբեռնված նավահանգիստներից է։
Այս պահին փրկարարները շարունակում են ողջ մնացածների որոնողափրկարարական աշխատանքները։
Նշվում է նաև, որ աղետի գոտու վերածված նահանգում ջրհեղեղի հետևանքների վերացման համար Հանրապետության իշխանությունները հատկացրել են 68,3 միլիոն դոլար։