2020 թվականին երկրի ֆինանսական համակարգը, համավարակի եւ պատերազմի պատճառով, աշխատում էր աննախադեպ ցնցման եւ բարձր անորոշության պայմաններում: Այս մասին հունիսի 3-ին լրագրողների հետ հանդիպմանը հայտարարեց ՀՀ կենտրոնական բանկի նախագահ Մարտին Գալստյանը` ներկայացնելով 2020 թվականի ֆինանսական կայունության մասին հաշվետվությունը:
Գալստյանի խոսքով` դա հանգեցրեց նրան, որ 2020 թվականին տնտեսական անկում գրանցվեց 7.4 տոկոսի մակարդակում:
«Դա հիմնականում պայմանավորված էր ծառայությունների ոլորտում անկմամբ (9.2 տոկոս) եւ շինարարության ոլորտում անկմամբ (6.6 տոկոս)»,- հավելեց Գալստյանը: