Ռուսաստանի Դաշնության արտաքին գործերի նախարար Սերգեյ Լավրովը` Հայաստանի ԱԳ նախարար Արարատ Միրզոյանի հետ համատեղ ասուլիսի ժամանակ հյատնել է, որ հայ-ռուսական միջտարածաշրջանային համաժողովի նիստը նախատեսվում է անցկացնել մինչև 2021 թվականի վերջը: «Արմենպրես»-ի հաղորդմամբ`այս մասին հայտնել է
«Կողմ ենք արտահայտվել մեր գործնական հարաբերությունների ամրապնդմանը ՝ բիզնեսի ներկայացուցիչների եւ Ռուսաստանի ու Հայաստանի շրջանների միջև կապերի ակտիվացման միջոցով։ Այս առումով մենք ունենք արդյունավետ գործիք ՝ երկկողմ միջտարածաշրջանային համաժողով»,- ասել է Լավրովը:
Լավրովը հույս է հայտնել, որ համաժողովը տեղի կունենա անկախ համավարակային իրավիճակից:
Բացի այդ, ըստ Լավրովի, կողմերը նախապատրաստվում են 2022 թվականին հայ-ռուսական երիտասարդական 7-րդ համաժողովի անցկացմանը, դիվանագիտական հարաբերությունների հաստատման 30-ամյակին, ինչպես նաև բարեկամության, համագործակցության և փոխադարձ օգնության մասին երկկողմ պայմանագրի 25-ամյակին:
