Բռնցքամարտի Հայաստանի երիտասարդական հավաքականն առանց մեդալի է ավարտել ելույթը Բուլղարիայի մայրաքաղաք Սոֆիայում անցկացվող Եվրոպայի առաջնությունում:
Լավագույն ցուցանիշը գրանցել են 49 կգ քաշային Ռուդոլֆ Գարբոյանը և 52 կգ քաշային Արթուր Ղազարյանը, որոնք հասել են մինչև քառորդ եզրափակիչ և պարտություն կրել: Կիսաեզրափակիչ դուրս գալու դեպքում Հայաստանի ներկայացուցիչները կապահովեին առնվազն բրոնզե մեդալ:
Հայաստանի երիտասարդական հավաքականի կազմում Եվրոպայի առաջնությունում հանդես են եկել ևս 8 բռնցքամարտիկներ՝ 48 կգ քաշային Գայանե Տեր-Բարսեղյանը, 51 կգ քաշային Արսինե Ծատուրյանը, 56 կգ քաշային Արթուր Շախպազյանը, 60 կգ քաշային Ռաֆայել Հակոբյանը, 64 կգ քաշային Գուրգեն Կակոյանը, 69 կգ քաշային Արսեն Գրիգորյանը, 75 կգ քաշային Ռաֆայել Հովհաննիսյանն ու գերծանր քաշային Սարգիս Պողոսյանը:
Այս մասին տեղեկացնում են ՀԱՕԿ պաշտոնական կայքից։
