2022 թվականի փետրվարի 1-ից, Հրազդանի ՋԷԿ-ի 5-րդ էներգաբլոկի կայուն շահագործումը ապահովելու համար հայկական կողմը ռուսական «Գազպրոմ» ընկերությանը տարեկան կտրամադրի 31,79 մլն դոլարի չափով դրամական միջոցներ՝ 10 տարի շարունակ:
Հայաստանը պարտավորություն էր ստանձնել վերադարձնել «Գազպրոմ»-ի կողմից Հրազդանի ՋԷԿ-ի 5-րդ էներգաբլոկում կատարված ներդրումները և ապահովել ներքին եկամտաբերությունը, սակայն ներդրումները չեն վերադարձվել, որին գումարվել է 5-րդ բլոկի վերակառուցման համար գոյացած վարկային պարտավորությունները։
Ավելին, այս ամենի հիման վրա ՀԷՑ-ը դիմել է ՀԾԿՀ-ին, որպեսզի 4,7 դրամ թանկացնեն հոսանքի գինը: Ինչպես նաև, հավանաբար, այս պատճառաբանությամբ է ջրի թանկացման հայտ ներկայացրել Վեոլիա ջուրը: Ու ամենամեծ հարցը մնում է Հրազդանի 5-րդ բլոկի թեման և ուրեմն հարցը.
Ինչու՞ չի վերադարձվել տրված ներդրումները և ապահովվել եկամտաբերությունը, ինչպես նաև ո՞վ է դրա պատասխանատուն: ՀՀ քաղաքացիները վճարել են օգտագործած ամեն կիլովատի համար:
Նա, ով չի կատարել իր պարտականությունը, կամ նման պայմանագիր է կնքել, նրանից էլ պետք է վերցնել ու վերադարձնել: Ամեն հինգ տարին մեկ «Գազպրոմը» հայտնվում է ու 300 միլիոն դոլարի «գողոնը» վերցնում, տանում։