Երեկ հայտնի դարձավ, որ Մադրիդի «Ռեալի» լեգենդար պաշտպան Սերխիո Ռամոսը հեռանում է իսպանական ակումբից։
Այս լուրից հետո գլխավոր հարցը հետևյալն է․ իսկ ո՞ւր է տեղափոխվելու Ռամոսը։
Ըստ շրջանառվող տվյալների՝ այս պահի դրությամբ իսպանացի պաշտպանով հետաքրքրված է 3 ակումբ՝ «Մանչեսթեր Սիթին», «Մանչեսթեր Յունայթեդն» ու ՊՍԺ-ն։
Այս մասին հայտնում է AS պարբերականը։
Նշվում է, որ մրցավազքում ֆավորիտ է «Սիթին»։
Նշենք, որ Ռամոսը «Ռեալում» է հանդես գալիս 2005 թվականից, այսինքն՝ 16 տարի։ Այս պահին իսպանացին 35 տարեկան է։