Փետրվարի 26-ի ուշ երեկոյան Հայաստանի տարածքում ներթափանցում է արևմուտքից ակտիվ ցիկլոն, որի ազդեցությամբ 27-28-ը սպասվում են տեղումներ։ Շրջանների մեծ մասում տեղումները կլինեն ձյան տեսքով, իսկ առանձին հովտային շրջաններում՝ ձնախառն անձրևի։ Փետրվարի 27-ին առանձին վայրերում տեղումները կարող են լինել առատ։ Լեռնային շրջաններում կգրանցվի բուք և ցածր հորիզոնական տեսանելիություն, ինչը կազդի ճանապարհային երթևեկության անվտանգության վրա։
Քամին ուժգնանալու է՝ հասնելով 18-23 մ/վ արագության, հատկապես Արարատյան դաշտում և Երևանում։ Օդի ջերմաստիճանը աստիճանաբար կնվազի 8-12 աստիճանով, ինչը կբերի մերկասառույցի առաջացման վտանգ ավտոճանապարհներին փետրվարի 27-ի լույս 28-ի գիշերը և առավոտյան։ Երևանում փետրվարի 26-ի ցերեկը սպասվում է անձրև, իսկ 27-28-ին՝ ձյան և ձնախառն անձրևի հերթափոխ։ Մարտի 1-ից 3-ը սպասվում է առանց տեղումների եղանակ։