fbpx
Առողջապահություն

11:00 8/9/2019

Հիվանդանոցի տարածքները վարձակալության իրավունքով տրվել են տարբեր անձանց․ Թորոսյան

ՀՀ Առողջապահության նախարար Արսեն Թորոսյանը ֆեյսբուքյան իր էջոմ գրել է․

«Որպեսզի պատկերացնեք, թե նախկինում կատարված գործարքները ստուգելիս, մենք ինչպիսի դեպքերի հետ ենք առնչվում, ձեզ եմ ներկայացնում մի փոքր հատված ՀՀ առողջապահության նախարարության ներքին աուդիտի բաժնի կողմից «Նորք» ինֆեկցիոն կլինիկական հիվանդանոց» ՓԲԸ-ում իրականացված աուդիտի արդյունքներից։

Աուդիտի արդյունքում պարզվել է, որ նախկին տնօրինության կողմից հիվանդանոցի տարածքները երկարաժամկետ վարձակալության իրավունքով տրվել են տարբեր անձանց` այդ թվում առողջապահության ոլորտում տարբեր ղեկավար պաշտոններ զբաղեցրած: Առկա է դեպք, երբ վարձակալած հողամասի վրա արդեն կառուցված է առանձնատուն` զբաղեցնելով ավելի քան 1600 քմ տարածք: Նաև առկա է դեպք, երբ վարձակալության վճարը տարիներով վճարված չէ հիվանդանոցին, իսկ հողի գույքահարկը հիվանդանոցի կողմից վճարված է քաղաքային բյուջե։

Առկա դեպքերի հանգամանքները և օրինականությունը ճշտելու նպատակով նյութերը ուղարկվելու են դատախազություն:

Ստուգումները շարունակական են լինելու»։

‼️ Որպեսզի պատկերացնեք, թե նախկինում կատարված գործարքները ստուգելիս, մենք ինչպիսի դեպքերի հետ ենք առնչվում, ձեզ եմ…

Geplaatst door Arsen Torosyan op Zaterdag 7 september 2019

Վերեվ