Հնդկաստանում վերջին օրերին կորոնավիրուսով վարակվամ ռեկորդային ցուցանիշներ են գրանցվում։ Այնտեղ արդեն օրական հայտնաբերվում է 350 հազար ու ավել դեպք։
Պայմանավորված իրավիճակով, բժիշկ Վինոդ Փոլը, ով երկրում պատվաստումների պատասխանատուներից է, հայտարարել է, որ եկել է ժամանակը՝ տանը դիմակ կրելու։ Նա հորդորել է Հնդկաստանի քաղաքացիներին, որ վերջիններս դիմակ կրեն ոչ միայն դրսում, քանի որ վարակը տարածվել է։
Փոլի խոսքերը փոխանցում է NDTV հեռուստաալիքը։
Նշենք, որ Հնդկաստանում հակահամաճարակային իրավիճակն այնքան վատ է, որ ոչ միայն հիվանդանոցներում ազատ մահճակալներ չեն մնացել, այլ նաև կորոնավիրուսից մահացած քաղաքացիներին պատշաճ հուղարկավորել չի ստացվում։ Վերջին օրերի ընթացքում հայտնի դարձավ, որ վարակից մահացածների դիակները այրում են հանրային վայրերում տրամադրված հատուկ տարածքներում։