Հոլիվուդ հեռուստասերիալում ներկայացված է հոլիվուդյան ոսկե դարաշրջանը։ Այն երիտասարդ և տաղանդավոր դերասանների, ռեժիսորների, սցենարիստների, պրոդյուսերների մասին է, որոնք դեռ նոր-նոր են սկսում կառուցել իրենց ուղին այդ բնագավառում։
Հեռուստասերիալում ուշադրություն է դարձվում համակարգի բազմացան անարդարությունների վրա՝ սեռի, սեռականության և ռասայի նկատմամբ, որոնք մինչ օրս էլ դեռ չեն լուծվել։
Անձնապես ինձ համար պատմության ամենահուզիչ և ինչ-որ տեղ ուժ տվող պահերից մեկը այն էր, որ երիտասարդ տաղանդները դեռ նոր կարիերա ստեղծելու ճանապարհին միմյանց օգնում են հասնել նոր բարձրունքների։ Այդպիսով նրանք մտերմանում են և դառնում ընտանիք՝ նրանց տալով ուժ և ոգևորվածություն առաջ գնալու և բոլոր երազանքները իրականացնելու համար։
Դերասանական կազմի ընտրությունը իդեալական է՝ կան թե՛ արդեն հատնի դարձած դեմքեր, թե՛ նոր տաղանդներ։ Ջիմ Պարսոնը՝ գլխավոր դերակատարը «Մեծ պայթյունի տեսությունը» հեռուստասերիալի, Դառեն Քրիսը, Հոլանդ Թայլորը: Ինչպես նաև նոր դեմքեր՝ Դևիդ Կորենսվետը, Լաուրա Հարիերը, Սամարա Ուիվինգը և այլոք։
Մի քանի բառով «Հոլիվուդ» հեռուստասերիալը երիտասարդ լինելու, նպատակներին հասնելու, միմյանց օգնելու և ընկերության մասին է։
Աննա Մարտիրոսյան