ԱԺ «Իմ քայլը» խմբակցության պատգամավոր Արման Բոշյանը այսօր «Առաջին լրատվականի» հետ զրույցում անդրադարձ է կատարել Էդմոն Մարքույանի Ֆեյսբուքյան ուղիղ եթերում իշխանության հասցեին հնչեցրած քննադատություններին։
«Այն մթնոլորտը, որ առկա է թե՛ օնլայն տիրույթում, թե՛ քաղաքական քննարկումներում, հարիր չէ մեր քաղաքական առօրյային: Դետալների մեջ չեմ խորանա՝ ով ինչ հրապարակեց կամ ինչ ասաց, որովհետև ես դրանք համարում են երկրորդական հարց: Ես կհորդորեի, որ խոսակցությունը լիներ շատ ավելի կարևոր հարցերի վերաբերյալ, մեր քննարկումներ լինեին, օրինակ՝ վաղվա ՍԴ շուրջ տեղի ունեցող պրոցեսների, դիրքորոշումների, պատկերների վերաբերյալ: Պետք չէ ներքաշվել նմանատիպ բանավեճերի, էպիզոտային բանավեճերի մեջ»,- նշել է Բոշյանը։
