Մայիսի 23-ին, ժամը 13:30-ին «911» ծառայությանն ահազանգ է ստացվել, որ Սյունիքի մարզի Կապան քաղաքի Կավարտ թաղամասի ավտոճանապարհին գտնվող ամառանոցում այրվում է սառնարան:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ տներից մեկի պատշգամբում գտնվող չօգտագործվող սառնարանում բռնկված հրդեհը տարածվել է դեպի տանիք:
Հրդեհը մեկուսացվել է ժամը 13:55-ին, մարվել՝ 14:02-ին:
Այրվել են տանիքի փայտյա կառուցատարրերը՝ 4 քմ, 1 փայտյա սեղան, սառնարանի պլաստմասսե տարրերը և լարերը: Հրդեհի հետևանքով տուժածներ չկան:
Այս մասին տեղեկանում ենք ՀՀ ԱԻՆ պաշտոնական կայքից։
![](https://azat.tv/wp-content/uploads/2022/09/azattvlogoblack.png)