Թեթև քաշում UFC-ի չեմպիոն Խաբիբ Նուրմագամեդովը կիսվել է Դասթին Պորյեի հետ մենամարտից իր սպասումներով, որը կայանալու է Աբու-Դաբիում սեպտեմբերի 7-ին։
«Հետևում եմ Պորյեի վերջին ելույթներին․․․ Ես հասկանում եմ, որ ինձ սպասվում է կարիերայիս ամենաբարդ փորձությունը։
Անգամ այն ժամանակ, երբ կռվում էի Դարել Հորչերի հետ, ես նրան համարում էի իմ կոշտ հակառակորդը։ Ես չեմ ցանկանում սխալ թույլ տալ՝ որևէ մեկին թերագնահատելով։ Շատերը թերագնահատում են Պորյեի հմտությունները պարտերում, բայց նա իրականում հիանալի տիրապետում է գրեփլինգին։
Նա չունի ակնհայտ թույն տեղեր ոչ պարտերում, ոչ էլ կանգնած դիրքում, որտեղ նա հարվածների մեծ արսենալ ունի և հիանալի ֆութվորք։ Այնպես որ, ես Պորյեի մեջ տեսնում եմ լավ մարտիկի, որն ինձ համար կկազմակերպի ոչ հեշտ մենամարտ։ Սակայն, ես պատրաստ եմ ամեն ինչի։
Վերջին 100 օրերի ընթացքում ես մարզվել եմ մինչև վերջին շունչը՝ պատրաստվելով այդ պայքարին։ Ես ամբողջովին կենտրոնացած եմ Դասթին Պորյեի և UFC 242-ի վրա, որը տեղի կունենա արդեն շատ շուտով», – ասել է Խաբիբը։