ԱՄՆ-ն պետք է չեղարկի Իրանի դեմ պատժամիջոցները, ինչը թույլ կտա երկրին պայքարել կորոնավիրուսի տարածման դեմ: Երկուշաբթի նման կոչ է արել Իրանի նախագահի խորհրդական Հեսամեդդին Ասենը:
«Վերացրե՛ք այն անիծյալ պատժամիջոցները, որոնք մեզ խանգարում են պայքարել կորոնավիրուսի դեմ», – գրել է նա Twitter-ում:
Ասենը նշել է, որ ինչքան շատ է տարածվում հիվանդությունն Իրանում, այնքան հավանական է, որ այն կհասնի այլ երկրներ»:
«Վարակը միջազգային խնդիր է»,-գրել է խորհրդականը:
.@realdonaldtrump: Don’t you understand that coronavirus is an international problem? The more it spreads here, the more likely it is to spread there! Don’t wait for an invitation to help contain the virus, lift the damn sanctions, which is impeding us from tackling it swiftly!
— حسام الدین آشنا Hosamoddin Ashena (@hesamodin1) March 2, 2020
Իրանի Առողջապահության նախարարությունը փետրվարի 19-ին հաղորդել էր երկրում կորոնավիրուսով վարակվելու առաջին դեպքի մասին: Ըստ պաշտոնական տեղեկությունների՝ Իրանում վարակակիրների թիվը 978 է, գրանցվել է առնվազն 54 մահ:
Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus։
