fbpx
Ժամանց

Ջեյմս Դինին վերադարձնում են կինո․ The Hollywood Reporter

1995 թվականին զոհված դերասան Ջեյմս Դինի պատկերը վերստեղծելու են համակարգչային գրաֆիկայի օգնությամբ: Այս մասին, ինչպես գրում է The Hollywood Reporter-ը, ստացված թվային կրկնօրինակը «խաղալու է» «Փնտրելով Ջեքին» կինոնկարում:

Magic City Films ստուդիան Ջեյմս Դինի պատկերն օգտագործելու իրավունքը ձեռք է բերել նրա ազգականներից: The Hollywood Reporter-ի տվյալներով, դերասանի իրական տարբերակն ստեղծելու վրա աշխատելու են Image Engine և MOI Worldwide ընկերությունները՝ օգտագործելով տեսանյութերը և լուսանկարները: Դրա հետ մեկտեղ նշվում է, որ Դինին հնչյունավորելու է մեկ այլ դերասան:

Հրատարակությունը տեղեկացնում է, որ դերասանը խաղալու է կարևորությամբ երկրորդական՝ Ռոգան անունով հերոսի դերը: Որպես կինոնկարի դերասաններ հանդես են գալու Անտոն Էռնստը և Թաթի Գոլիխը, որոնք հիմնել են Magic City Films-ը:

«Մենք շատ ենք հպարտանում, որ նրա (Ջեյմս Դինի) ընտանիքն աջակցում է մեզ և նախազգուշական բոլոր միջոցները ձեռնարկում, որպեսզի նրա՝ որպես ամենավիթխարի կինոաստղերից մեկի, ժառանգությունը մնա ամբողջության մեջ»,-հայտարարել է Էռնստը:

Պլանավորված է, որ «Փնտրելով Ջեքին» կինոնկարը վարձույթ կմտնի 2020 թվականի նոյեմբերին:

Ֆիլմը լինելու է Հարեթ Քրուքերի՝ Վիետնամի պատերազմի վերջի իրադարձությունների մասին պատմող համանուն վեպի էկրանավորումը: Սյուժեն ներկայացնում է ռազմական գործողությունների ընթացքում օգտագործված ավելի քան 10 հազար շների պատմությունը, որոնց լքել են: Ջեյմս Դինը մահացել է 1955 թվականին ավտովթարից՝ 24 տարեկան հասակում: Իր կարիերայի ընթացքում նա հասցրել է խաղալ ընդամենը մի քանի նշանավոր դերեր: «Դրախտից դեպի արևելք» և «Հսկան» ֆիլմերի համար նա անվանակարգվել է «Օսկար» մրցանակի:

Վերեվ