Եվրոպայի խորհրդի խորհրդարանական վեհաժողովն ընդունել է բանաձև, որով Ռուսաստանի Դաշնությունը որակվել է որպես «ահաբեկչական ռեժիմ»:
Այդ մասին «Եվրոպեյսկայա պրավդա» պարբերականում հայտնել է Ուկրաինայի խորհրդարանում «Ժողովրդի ծառա» իշխող կուսակցության պատգամավոր Մարինա Բարդինան:
«Ուկրաինայի դեմ Ռուսաստանի Դաշնության արգեսիայի հետագա էսկալացիան» վերնագրով բանաձևի օգտին քվեարկել են ԵԽԽՎ-ի 90 պատգամավորներ:
Փաստաթղթում նշվում է, որ «Ուկրաինայի դեմ Ռուսաստանի ագրեսիան պետք է միանշանակ և անվերապահորեն դատապարտվի որպես հանցագործություն, միջազգային իրավունքի խախտում և համաշխարհային խաղաղության ու անվտանգության գլխավոր սպառնալիք»:
ԵԽԽՎ-ն նաև վերահաստատել է Ուկրաինայի տարածքային ամբողջականության և ինքնիշխանության սկզբունքների կարևորությունը և կոչ է արել շարունակել զենքի տրամադրումը Կիևին:
ԵԽԽՎ-ն հայտարարել է Ուկրաինայի դեմ ռազմական հանցագործություններ կատարած անձանց պատասխանատվության ենթարկելու համար հատուկ միջազգային դատարան ստեղծելու անհրաժեշտության մասին:
Ուկրաինայում կատարված հանցանքների համար Ռուսաստանի պատասխանատվության հարցը կներառվի Եվրոպայի խորհրդի պետությունների ղեկավարների 4-րդ գագաթնաժողովի օրակարգում:
Այդպիսով, ԵԽԽՎ-ն դարձել է առաջին միջազգային կազմակերպությունը, որը Ռուսաստանը պաշտոնապես ճանաչել է «ահաբեկիչ-պետություն»:
