Հոլիվուդյան դերասանուհի Անջելինա Ջոլիին Լոնդոնում նկատել են իռլանդացի դերասան, «Նորմալ մարդիկ» սերիալի աստղ Փոլ Մեսկալի հետ։ Այս մասին հայտնում է Daily Mail-ը։
Պարբերականի տեղեկություններով՝ Ջոլին դստեր՝ Շայլոյի հետ նստել է Մեսկալի ընկերակցությամբ ռեստորանում ու զրուցել։ Մինչ այդ դերասանուհին ներկա է գտնվել Ալմեյդա թատրոնի ներկայացմանը, որտեղ դերասանը խաղում է։ Հայտնիների հանդիպման այլ մանրամասներ չեն հաղորդվում։
Ավելի վաղ լուրեր էին շրջանառվում, որ Մեսկալը բաժանվել է իր սիրելիի՝ ամերիկացի երգչուհի Ֆիբի Բրիջերսից։ Զույգը նշանադրվել էր, սակայն ավելի ուշ տեղեկություններ եղան նրանց բաժանման մասին։