Հայաստանի Հանրապետության կառավարությունը 1,2 միլիարդ դրամ կհատկացնի ՀՀ առողջապահության նախարարությանը՝ կորոնավիրուսի դեմ Pfizer ընկերության արտադրած պատվաստանյութից 200 հազար դեղաչափ գնելու համար։
Այս մասին որոշում է ընդունվել Կառավարության նիստում։
Պատվաստանյութերի խմբաքանակը Հայաստանում կլինի մինչև 2021 թվականի ավարտը։
Կառավարության որոշման նախագծում ասվում է, որ ներկայումս բանակցություններն ավարտված են, իսկ պայմանագիրը կնքումն ընթացքի մեջ է։
