Իրանը կարող է մի քանի շաբաթում միջուկային զենք ստեղծել․ Բլինքեն

Իրանը կրճատել է միջուկային զենք ստեղծելու համար նախատեսված նյութերի ձեռք բերման ժամանակահատվածը։

Այս մասին հայտնում է Anadolu գործակալությունը՝ հղում կատարելով ԱՄՆ պետքարտուղար Էնթոնի Բլինքենին։

Վերջինս նշել է, որ միջուկային զենք ստեղծելու համար Իրանին անհրաժեշտ է ընդամենը մի քանի շաբաթ։

Նա այս ամենը բացատրել է Դոնալդ Թրամփի վարչակազմի վարած քաղաքականությամբ, որն անվանել է՝ սխալ։ Բլինքենը նշել է, որ Իրանի նման «հաջողությունը» պայմանավորված է ԱՄՆ-ի՝ Միջուկային գործարքից դուրս մնալով։