ՀՀ սննդամթերքի անվտանգության տեսչական մարմինը հայտնել է, որ ղեկավարի որոշմամբ՝ կասեցվել է «ԴԻԵՏ» ՍՊԸ-ին պատկանող կաթնամթերքի արտադրամասի (Լոռու մարզ, քաղաք Վանաձոր) առանձին գործառույթը:
«Կասեցման հիմքը «Կաթի և կաթնամթերքի անվտանգության մասին» Մաքսային Միության տեխնիկական կանոնակարգի պահանջների խախտումն է, որը հայտնաբերվել է լաբորատոր փորձաքննությամբ:
- ՍԱՏՄ-ն հորդորում է ուշադիր լինել սննդամթերքի պահպանման հարցում
- Վերացվել է երեք արտադրամասի գործունեության կասեցումը. ՍԱՏՄ
ՍԱՏՄ Լոռու մարզային կենտրոնի տեսուչները նշված կաթնամթերքի արտադրությունում իրականացվող վերահսկողության ընթացքում կատարել են նմուշառում «Մածուն» և «Պանիր» արտադրատեսակներից և հանձնել լաբորատոր փորձաքննության:
Արդյունքում պարզվել է, որ «Պանիր» արտադրատեսակի նմուշը «ԱՑԽՄ», իսկ «Մածուն» արտադրատեսակը հակաբիոտիկի՝ ստրեպտեմիցի ցուցանիշներով չեն համապատասխանում սահմանված նորմերին:
Խախտումների վերացման համար սահմանվել է ժամկետ»,- ասվում է հաղորդագրության մեջ:
