Հոլիվուդյան հայտնի դերասան Լեոնարդո Դի Կապրիոն 15 մլն դոլար է հատկացրել տարբեր բնապահպանական ընկերություններին պարգևատրելու համար:
Եվ այս բավական մեծ թվացող գումարն ընդամենը մեծ ծովի կես կաթիլն է, քանի որ սա Leonardo DiCaprio Foundation-ի հերթական նվիրատվություններից մեկն է, որոնք դերասանն անում է արդեն 20 տարի շարունակ:
Կազմակերպության նպատակը մեկն է՝ փրկել վայրի բնությունը, բույսերն ու կենդանիներին:
«Մեր բնությունն արդեն այնպիսի արագ տեմպերով է քայքայվում, որ հանցագործության նման մի բան է թվում այս ամենն անտեսելը: Մենք պարտավոր ենք այնպիսի ապագա ստեղծել, որտեղ մարդիկ չեն ոչնչացնի բնությունը: Մայր բնությունը բոլորիս այնքա՜ն սեր է տալիս, ճիշտ ժամանակն է փոխադարձել», -ասել է դերասանը: