«Լիվերպուլը» կարող է Անգլիայի առաջնության ավարտից 7 տուր առաջ դառնալով Անգլիայի չեմպիոն: Այս մասին հաղորդում է Gracenote-ն։
Այժմ «Լիվերպուլը» 73 միավորով գլխավորում է առաջնության մրցաշարային աղյուսակը և 22 միավորով գերազանցում է «Մանչեսթեր Սիթի»-ին։
Այսպիսի երևույթ եվրոպական թոփ-5 լիգաներում միայն 2 անգամ է եղել: 2015/16 մրցաշրջանում, երբ «ՊՍԺ»-ն առաջնության ավարտից 8 տուր առաջ դարձավ Ֆրանսիայի չեմպիոն, և 2013/14 մրցաշրջանում, երբ «Բավարիան» 7 տուր առաջ դարձավ Գերմանիայի չեմպիոն: Անգլիայում սա կլինի առաջին դեպքը:
Եթե «Լիվերպուլը» հետագայում ևս պահպանի դրական արդյունքների դինամիկան, ապա ԱՊԼ-ի 31-րդ տուրի՝ «Քրիսթալ Փելասի» հետ տնային խաղում կարող է դառնալ երկրի չեմպիոն: Հանդիպումը տեղի կունենա մարտի 21-ին:
Անգլիայի առաջնության հաջորդ տուրում «Լիվերպուլը» հյուրընկալվելիս կմրցի «Նորվիչ»-ի հետ, որը վերջին՝ 20-րդ տեղն է զբաղեցնում իր ակտիվում ունենալով 18 միավոր:
