fbpx
Աշխարհ

Էրդողանը Պուտինին առաջարկել է ղարաբաղյան խնդիրը միասին լուծել

ՌԻԱ Նովոստի-ի հաղորդմամբ՝ Թուրքիայի նախագահ Ռեջեփ Թայիփ Էրդողանը հայտնել է, որ Վլադիմիր Պուտինի հետ հեռախոսազրույցում Ռուսաստանի նախագահին առաջարկել է համատեղ կարգավորել ղարաբաղյան ճգնաժամը:

«Մենք Պուտինի հետ քննարկել ենք Ղարաբաղյան իրադարձությունները: Մենք ասացինք. եկեք Կովկաս, լուծեք այդ հարցը: Եթե ուզում եք, միասին լուծենք: Դուք կխոսեք ձեր գործընկերների հետ, մենք ՝ մեր: Թող մեր արտգործնախարարներն ու մյուսները նույնպես խոսեն: Կարեւորը հասկանալն է ՝ կլուծե՞նք արդյոք այս հարցը, թե՞ ոչ: Եկեք սա արդեն ավարտենք: Մենք անկեղծ ենք: Եվ ես հավատում եմ, որ դուք նույնպես անկեղծ եք»,- ասել է Էրդողանը։

Թուրքիայի նախագահը նաև շեշտել է․

«Մեզ ասում են` դուք Մերձավոր Արևելքից զինյալներ եք ուղարկում Ադրբեջան: Ես հարգարժան նախագահ Պուտինին ասացի` հիմա Քրդստանի Աշխատավորական կուսակցության մոտ 2 հազար անդամներ կռվում են Հայաստանի կողմում, նրանցից յուրաքանչյուրին վճարում են 600 դոլար: Նա պատասխանեց, որ ոչինչ չգիտի այդ մասին: Ուստի ես նրան տեղեկացրեցի»:

ԱՄԵՆԱԴԻՏՎԱԾՆԵՐԸ

ՎԵՐ