Ֆրանսիայում նախագահական ընտրությունների 2-րդ փուլից առաջ տեղի է ունեցել հեռուստաբանավեճ Ֆրանսիայի գործող նախագահ, նախագահի թեկնածու Էմանուել Մակրոնի ու նախագահի մյուս թեկնածու Մարի Լը Պենի միջև։
Վերջինս նշել է, որ կողմ է հանրային վայրերում հիջաբի կրման արգելքին։
Լը Պենի խոսքով՝ ինքը իսլամի դեմ չէ պայքարում, այլ իսլամական գաղափարախոսության, որը պարտադրում է շարիաթ կոչվող կրոնական օրենքները։
Լը Պենին հակադարձել է Մակրոնը, նշելով, որ նա խառնում է կրոնական խորհրդանիշները, ահաբեկչությունն ու իսլամիզմը։
Մակրոնի խոսքով՝ դրանով Լը Պենը քաղաքացիական պատերազմ կհրահրի։
Հիշեցնենք, որ ընտրությունների 2-րդ փուլը նախատեսված է ապրիլի 24-ին։
