ԱՄՆ Կոնգրեսի Ներկայացուցիչների պալատի անդամ Ֆրենկ Փալոնը X-ի (նախկին Twitter) իր միկրոբլոգում անդրադարձել է ԱՄՆ պետքարտուղար Էնթոնի Բլինքենի և Ադրբեջանի նախագահ Իլհամ Ալիևի հեռախոսազրույցին։
«Պետքարտուղար Բլինքենն իրավացիորեն կոչ է անում դադարեցնել Լաչինի միջանցքի շրջափակումը, սակայն այս խոսքերին պետք է հետևեն իմաստալից գործողություններ, հատկապես այն պարագայում, երբ Արցախում հումանիտար ճգնաժամը շարունակում է վատթարանալ»,- նշել է կոնգրեսականը:
Նա հավելել է, որ «մարդկության դեմ Ալիևի հանցագործությունների և Արցախում էթնիկ զտումների կանխամտածված արշավի համար իրական հետևանքներ պետք է լինեն»։
«Կովկասում խաղաղությունն անհնար կլինի, եթե Ալիևը պատասխանատվություն չկրի հայ ժողովրդի դեմ Ադրբեջանի ագրեսիայի համար»,- գրել է Փալոնը:
![](https://azat.tv/wp-content/uploads/2022/09/azattvlogoblack.png)