«Ռեալի» գլխավոր մարզիչ Զինեդին Զիդանը ամփոփել է Պրիմերայի 8-րդ տուրի՝ «Գրանադայի» հետ խաղը (4-2):
«Այսօր մենք բոլորս կարող ենք երջանիկ լինել, մենք մրցաշարային աղյուսակի առաջին տեղում ենք, որտեղ էլ ցանկանում ենք մնալ: Հասկանում ենք, որ առջևում երկար ճանապարհ կա, մենք պետք է քրտնաջան աշխատենք:
Մենք ավելի լավ ենք խաղում, քան 1 ամիս առաջ:
Յուրաքանչյուր ֆուտբոլիստ կատարում է իր դերը: Բայց ես ավելին եմ ուզում, մենք ավելի լավ կխաղանք: Մենք պերֆեկցիոնիստ ենք: Թեթև խաղեր չեն լինում: Պետք է խաղի մեջ մնալ առաջինից մինչև վերջին րոպեին:
Ազարը երջանիկ էր հանդերձարանում: Հույս ունենք, որ սա ընդամենը մեկն էր «Ռեալում» նրա խփվելիք բազմաթիվ գոլերից: Արեոլան սխալվեց, բայց անհավանական խաղ անցկացրեց», – Զիդանի խոսքերն է մեջբերել Covering Football թվիթերյան էջը: