Գերմանիայի կանցլեր Անգելա Մերկելը մտադիր է արգելել Մեծ Բրիտանիայի բոլոր քաղաքացիների մուտքը Եվրամիության տարածք։
Այս մասին գրում է Times-ը։
Նշվում է, որ Մերկելի նման դիրքորոշման պատճառը Բրիտանիայում կորոնավիրուսի Դելտա շտամի տարավածության մակարդակն է։ Իսկ Դելտա շտամը համարվում է այս պահին կորոնավիրուսի եղած շտամերից ամենավտանգավորը՝ իր արագ տարածվելու հատկության շնորհիվ։
Գերմանիայի կանցլերը պատրաստվում է այս հարցը բարձրացնել այսօր՝ ճգնաժամային հանձնաժողովի նիստում։
Ըստ աղբյուրի՝ Ֆրանսիայի նախագահ Էմանուել Մակրոնը պաշտպանում է Մերկելի այս տեսակետը։
Իսկ Բրիտանիայից պատասխանում են, որ Գերմանիայի առաջնորդը կարող է հայտնվել մեկուսացման մեջ՝ իր մտադրության հետևանքով։ Բրիտանացիները վարչապետ Բորիս Ջոնսոնն էլ պատրաստվում է հանդիպել Մերկելի հետ ու քննարկել վերջինիս մտահոգությունը։
