Netflix-ը պաշտոնապես չեղարկել է «Կատարյալ» սպորտային դրամայի արտադրությունը՝ Միլի Բոբի Բրաունի անսպասելի հեռանալուց հետո: Ֆիլմը, որտեղ դերասանուհին պետք է մարմնավորեր օլիմպիական չեմպիոն Քերի Ստրուգին, չեղարկվել է «ստեղծագործական տարաձայնությունների» պատճառով: Ծրագրի ավարտը հաստատվել է «Deadline»-ի կողմից, իսկ նկարահանումները, որոնք նախատեսված էին այս ամառ, այլևս չեն իրականացվի:
Միաժամանակ, շրջանառվում են լուրեր, որ Բրաունը կարող է վերադառնալ «Stranger Things»-ի աշխարհ: Ըստ հաղորդումների՝ Netflix-ում մշակման փուլում է «Stranger Things: The Storyteller and the Mage» նախագիծը, որտեղ ակնկալվում է Միլի Բոբի Բրաունի և Ֆին Վուլֆհարդի մասնակցությունը՝ Էլևենի և Մայք Ուիլերի դերերում: Թեև սերիալի հեղինակները նախկինում հայտարարել էին հիմնական կերպարների պատմության ավարտի մասին, այս նոր նախագիծը կարող է շարունակել սերիալի եզրափակիչ դրվագի անորոշ ավարտը:
Չնայած «Կատարյալ» ֆիլմի չեղարկմանը՝ Բրաունի համագործակցությունը Netflix-ի հետ շարունակվում է: Այս ամառ հարթակում կներկայացվի «Էնոլա Հոլմս» ֆրանշիզայի երրորդ մասը, ինչպես նաև սպասվում են այլ նախագծեր, այդ թվում՝ «Just Picture It» ռոմանտիկ կատակերգությունը և Բրաունի «Nineteen Steps» վեպի էկրանավորումը: