Motorola-ն Բարսելոնայում փետրվարի 26-29-ը ընթացող Mobile World Congress միջազգային ցուցահանդենսի ժամանակ ցուցադրել է ճկվող էկրանով սմարթֆոնի աշխատանքային նախատիպը։ Ճկվելու հատկության շնորհիվ սմարթֆոնը կարելի է կրել դաստակին, ինչպես թևնոցը, տեղեկացնում է The Verge-ը։
The Verge-ի լրագրողը նշում է, որ սմարթֆոնը ձեռքի վրա պահվում է հատուկ մագնիսական ապարանջանի կիրառման շնորհիվ, իսկ էկրանը չափազանց ճկուն է և կորանում է առանց որևէ խնդրի։
Այլ լրագրողներ և տեխնոլոգիական բլոգերներ ևս կիսվել են իրենց տպավորություններով։ Ըստ նրանց՝ ձեռքին ամրացված վիճակում սմարթֆոնն ինչ-որ չափով հիշեցնում է խելացի ժամացույց, իսկ էկրանը հարմարվում է այս դիրքին, և բոլոր պատկերակները, ինչպես նաև ծանուցումները ցուցադրվում են էկրանի վերևի հատվածում։ Նույնկերպ դրանք հարմարվում են, երբ էկրանը ծալված չէ։
Motorola-ն առաջին անգամ ներկայացրել է ապարանջան-սմարթֆոնի կոնցեպտը Lenovo Tech World ’23 միջոցառմանը: Այն օգտագործում է բևեռացված FHD+ էկրան: Ստանդարտ ռեժիմում 6,9 դյույմանոց էկրանին երևում է ամբողջ Android համակարգը, ինչպես ցանկացած այլ սմարթֆոնի դեպքում:
![](https://azat.tv/wp-content/uploads/2022/09/azattvlogoblack.png)