Իսպանացի թենիսիստ Ռաֆայել Նադալը դուրս է եկել Ուիմբլդոնի 1/8 եզրափակիչ։ Երրորդ շրջանի խաղում Նադալը երեք սեթում պարտության է մատնել ֆրանսիացի Ժո-Վիլֆրիդ Ցոնգային 6։2, 6։3, 6։2 հաշվով։
Հանդիպումը տևել է 1 ժամ 48 րոպե։ Նադալը 1 կրկնակի սխալ է թույլ տվել և 11 հնարավոր բրեյք-փոինթներից հաջող է իրացրել 5-ը։
Ցոնգայի ակտիվում 11 էյս կա, 4 սխալ սեփական մատուցման ժամանակ և ոչ մի բրեյք։
Նադալը Ուիմբլդոնի 51-րդ խաղում հաղթանակ է տարել և 9-րդ անգամ դուրս եկել չորրորդ շրջան։
Նշենք, որ Նադալը երկու անգամ է հաղթել Grand Slam-ի բրիտանական մրցաշարում՝ 2008 և 2010 թվականներին։
Ուիմբլդոնի քառորդ եզրափակիչ դուրս գալու համար Նադալը կմրցի պորտուգալացի Ժոաո Սոուզա և բրիտանացի Դանիել Էվանս զույգի հաղթողի հետ։
