Հայաստանի Հանրապետության նախագահ Վահագն Խաչատուրյանն այսօր հանդիպում է ունեցել ՀՀ-ում Չինաստանի Ժողովրդական Հանրապետության արտակարգ և լիազոր դեսպան Ֆան Յունի հետ:
Այս մասին տեղեկանում ենք ՀՀ նախագահի պաշտոնական կայքից։
- Փաշինյանը շնորհավորել է Իրանի գերագույն առաջնորդին ու նախագահին
- ԱԽ քարտուղարն աշխատանքային այցով կմեկնի Գերմանիա
«Դեսպան Ֆան Յունը շնորհավորել է նախագահ Վահագն Խաչատուրյանին պաշտոնը ստանձնելու կապակցությամբ և մաղթել համատեղ արդյունավետ աշխատանք՝ ի նպաստ հայ-չինական կապերի ամրապնդման և խորացման:
Հանդիպմանը նախագահ Խաչատուրյանը և դեսպանն անդրադարձել են երկկողմ հարաբերությունների օրակարգին, համագործակցության հեռանկարային ուղղություններին և տարբեր ոլորտներում փոխգործակցության ընդլայնման հնարավորություններին», – ասված է տարածված պաշտոնական հաղորդագրության մեջ: