Ատոմային էներգիայի միջազգային գործակալությունը (ՄԱԳԱՏԷ) պաշտոնապես հաստատել է, որ Իսրայելի և Միացյալ Նահանգների հարվածների հետևանքով վնասվել են Իրանի Նաթանզի քաղաքի մոտակայքում գտնվող միջուկային օբյեկտի մուտքի շենքերը։ Վերջին երկու օրերի արբանյակային լուսանկարների վերլուծության հիման վրա պարզվել է, որ վնասվել է ստորգետնյա ուրանի հարստացման գործարանի մուտքը, սակայն բուն գործարանը չի տուժել։ Գործակալությունը ընդգծում է, որ ռադիացիոն ֆոնի փոփոխություններ չեն արձանագրվել և ռադիոլոգիական վտանգներ չեն առաջացել։
Հիշեցնենք, որ Նաթանզի գործարանը եղել է հունիսյան 12-օրյա հակամարտության հիմնական թիրախներից մեկը, որի ընթացքում Իսրայելը և ԱՄՆ-ը իրականացրել են մի շարք ռմբակոծություններ։