Այսօր Բասկետբոլի ազգային ասոցիացիայի (NBA) կանոնավոր առաջնությունում կայացել է 6 հանդիպում:
«Տորոնտո Ռեպտորսը» սեփական հարկի տակ 111-98 հաշվով հաղթել է «Լոս Անջելես Լեյկերսին»: Լեբրոն Ջեյմսը հանդիպման ամենաարդյունավետ բասկետբոլիստն է եղել, որը վաստակել է 29 միավոր: Ալեքս Կարուզոյի ակտիվում գրանցվել է 16 միավոր, Ռեջոն Ռոնդոյի՝ 13, իսկ «Տորոնտոյի» կազմում 25 միավոր է վաստակել Կավայ Լեոնարդը:
«Լեյկերսը» (31-37) վերջին 7 խաղում վեցերորդ պարտությունը կրեց իսկ «Տորոնտոյի» (49-20) համար սա վերջին 4 խաղում երրորդ հաղթանակն է:
Օրվա մյուս խաղերում գրանցվել են հետևյալ արդյունքները.
«Օրլանդո Մեջիկ»-«Կլիվլենդ Կավալյերս»՝ 120-91
«Ինդիանա Պեյսերս»-«Օկլահոմա Սիթի Տանդեր»՝ 108-106
«Բոստոն Սելտիկս»-«Սակրամենտո Կինգզ»՝ 126-120
«Յուտա Ջազ»-«Մինեսոտա Տիմբերվուլվզ»՝ 120-100
«Դենվեր Նագետս»-«Դալաս Մավերիկս»՝ 100-99
NBA-ի մամուլի ծառայությունն առանձնացրել է խաղային օրվա լավագույն դրվագների տասնյակը:
