Հայտնի է դարձել, որ «Չելսին» մտածում է Գրեհեմ Փոթերի մասին։
«Տոտենհեմից» կրած պարտությունից հետո (0-2) մարզիչը բերել է Միկել Արտետայի և Յուրգեն Կլոպի օրինակները՝ խոսելով «Չելսիում» իր ապագայի մասին։ Լոնդոնյան ակումբը համաձայն է այս կարծիքի հետ։ Կապույտների ղեկավարության միակ ուղերձը թիմին խաղից հետո՝ «Ժամանակն է աջակցել Փոթերին»։
Լրագրող Ֆաբրիցիո Ռոմանոյի խոսքերով, այս պահին «Չելսիում» բոլորը կիսում են այս դիրքորոշումը։
Տարբեր մարզիչների գործակալները վերջին շաբաթներին դիմել են «Չելսիին» և առաջարկել իրենց հաճախորդների ծառայությունները:
Դա շատ հաճախ է պատահում, երբ ակումբում ներկայիս մարզչի արդյունքների հետ կապված խնդիրներ են առաջանում։ Սակայն «Չելսին» չի արձագանքում դրան և հավատարիմ է մնում նախկինում ընտրված դիրքորոշմանը. ակումբը նախատեսում է աջակցել Փոթերին և կարծում է, որ նրան պետք է ժամանակ տալ:
Լոնդոնյան ակումբը Պրեմիեր լիգայի մրցաշարային աղյուսակի 10-րդ տեղում է՝ 4-րդ տեղից հետ մնալով 14 միավորով։
![](https://azat.tv/wp-content/uploads/2022/09/azattvlogoblack.png)