Իկոնիկ

Հետաքրքիր, անսպասելի և լարված. 3 հոգեբանական թրիլլեր

Այս հոգեբանական թրիլլերները գամված են պահում էկրանին և ստիպում են ուղեղը աշխատացնել այնպես, ինչպես երբեք չէինք պատկերացնի, որ կարելի է մտածել:

3 տարբեր հեռուստաշոու, որոնց միացնում է ինտրիգային և անսպասելի տարրերը։

Գնչուհի (Gypsy) 2017

Այս հեռուստաշոուն բաղկացած է ընդամենը 1 սեզոնից և 10 սերիայից։ Այն պատկանում է Netflixին։  Այն պատմում է մի հոգեբան կնոջ մասին, ով չափից շատ է սիրում իր աշխատանքը։ Չափից շատ արտահայտությունը այս դեպքում չափազանցված չէ։ Նաոմի Ուոթսը մարմնավորում  է Ջին Հոլոուին, ով գաղտնիորեն ներխուժում է իր հիվանդների անձնական կյանք։

Սա այն դեպքն է, երբ հոգեբանը շատ ավելի շատ հոգեբանական խնդիրներ և օգնությանկարիք ունի, քան իր հիվանդները։

Դու (You) 2018

 

Նույնպես Netflix-ի հեռուստասերիալներից է։ Դեռ 2 սեզոնն է հասանելի, բայց գուցե շուտով երրորդն էլ ավելանա։ Այն ամենաառաջին հայացքից պատմում է մի շատ ռոմանտիկ, զգայուն տղայի մասին, ով ուժգին սիրահարվում է: Բայց սերը արագորեն վերածվում է մոլուցքի, ռոմանտիկ երիտասարդն էլ՝ սերիական մարդասպանի։

Հեռուստասերիալը իր մեջ պարունակում է տագնապի և լարվածության զգացում։

Սակայն երկրորդ սեզոնում շատ ավելի անսպասելի տարրեր և կերպարներ կան, ինչը էլ ավելի է հետաքրքրացնում հեռուստասերիալը։

Վերադարձնել ետ (The Undoing) 2020

«Վերադարձնել ետ» հեռուստասերիալը պատկանում է HBOին և այն ուղղակի հիանալի է։ Թե՛ դերասանները ( Նիկոլ Քիդման, Հյու Գրանտ և այլոք), թե՛ պատմությունը՝ հոյակապ և համահունչ են։

Գրեյսը հաջողակ թերապևտ է Նյու Յորքից։ Նրա կյանքում ամեն ինչ իդեալական է, նրա կողքին է իր սիրելի ամուսինը և որդին, նա ապրում է անհոգ և հարուստ կյանքով:

Շուտով Գրեյսը պետք է թողարկեր իր առաջին գիրքը, որտեղ նա խորհուրդ է տալիս կանանց լսել սեփական ինտուիցիային և հավատալ տղամարդկանց մասին կազմած առաջին տպավորությանը: Սակայն գրքի թողարկման նախօրեին նրա ամուսինը անհետանում է, և նրա հեքիաթային կյանքը վերածվում է տհաճ բացահայտումների և PR-սկանդալի:

Աննա Մարտիրոսյան

ՎԵՐՋԻՆ ԼՈւՐԵՐ

ՎԵՐԵՎ