ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ ապրիլի 25-ին Մ17 Կապան-Ծավ-Շվանիձոր-Մեղրի ավտոճանապարհի 36-րդ կմ-ում տեղի ունեցած քարաթափման հետևանքները, որոնց պատճառով ճանապարհը դարձել էր միակողմանի երթևեկելի, վերացվել են:
Տվյալ տարածաշրջանը սպասարկող ճանապարհաշինական ընկերության կողմից իրականացված ճանապարհի մաքրման աշխատանքների արդյունքում ապրիլի 27-ի դրությամբ, ճանապարհահատվածը երկկողմանի երթևեկելի է:
