Քարոզարշավը շատ լավ ընթացավ, հանդարտ պայմաններում, ամփոփելով նախընտրական քարոզարշավն՝ ասաց «Մենք» դաշինքի պատգամավորի թեկնածու, «Ազատ դեմոկրատներ» կուսակցության նախագահ Խաչատուր Քոքոբելյանը:
«Այս քարոզչությունն էապես տարբերվում էր բոլոր ժամանակների քարոզչությունից», – ասաց նա:
Քոքոբելյանը կարծիք հայտնեց, որ ընտրողների առնվազն 60 տոկոսի մասնակցությունն է ակնկալում:
«Վստահ եմ, որ ընտրություններին մասնակցությունը պասիվ չի լինի, որովհետև մեր քաղաքացիների մոտ ցանկություն կա տեսնել այն Հայաստանը, որը երազում ենք բոլորս, այլ խնդիր է, որ բոլորը յուրովի են դա տեսնում: Մեր քաղաքացիներն այսօր հասկանում են, որ իրենց քվեն որոշիչ է», – նկատեց նա:
Արտահերթ խորհրդարանական ընտրությունները տեղի կունենան դեկտեմբերի 9-ին, այսօր քարոզարշավի վերջին օրն է: Ընտրություններին մասնակցում է 11 քաղաքական ուժ:
Հիշեցնենք, որ ընտրություններին «Հանրապետություն» և «Ազատ դեմոկրատներ» կուսակցությունները մասնակցում են «Մենք» դաշինքով: Ցուցակը գլխավորում է «Հանրապետություն» կուսակցության նախագահ Արամ Սարգսյանը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
