Ռուսաստանի համար մեծ հաշվով միևնույն է, թե ով կլինի ԱՄՆ նախագահը՝ Բայդենը, թե Թրամփը։
Այս մասին Սանկտ Պետերբուրգի միջազգային տնտեսական ֆորումի շրջանակում համաշխարհային լրատվական գործակալությունների ղեկավարների հետ հանդիպման ժամանակ հայտարարեց ՌԴ նախագահ Վլադիմիր Պուտինը։
Պուտինի խոսքով՝ Ռուսաստանը կաշխատի ԱՄՆ ցանկացած նախագահի հետ, ում կընտրի ամերիկացի ժողովուրդը:
«ԱՄՆ-ի ընտրություններից հետո նրանց քաղաքականությունը ռուսական ուղղությամբ չի փոխվի», – ընդգծել է Պուտինը։