Մադրիդի «Ռեալի» կիսապաշտպան Կազեմիրոն ամփոփել է Պրիմերայի 3-րդ տուրի՝ «Վիլյառեալի» հետ խաղի արդյունքները (2-2): Նա խոստովանել է, թե ինչը չհերիքեց մադրիդյան ակումբին հաղթանակի համար: Այս մասին հայտնում է Marca-ն:
«Ամեն ինչ. գոլեր, պաշտպանությունում խաղը, թիմ լինելը: Մենք թիմ ենք ու թիմային ոգի ունենք: Եթե մենք ջանասիրաբար աշխատենք որպես թիմ, հեռուն կգնանք:
«Ռեալը» միշտ պարտավոր է հաղթել, չնայած դաշտում դժվար պայմաններ էին: Կարծում եմ՝ վերահսկում էինք խաղի ընթացքը, բայց նրանք գոլ խփեցին: Լավ խաղացինք, բայց, իհարկե, միշտ պետք է հաղթել, երբ հագնում ես այս մարզաշապիկը»,- ասել է կիսապաշտպանը:
