Հայաստանի բասկետբոլի ազգային հավաքականը նոր գլխավոր մարզիչ ունի։
Այս մասին տեղեկանում ենք ՀԲՖ-ի մամուլի ծառայությունից։
Նշվում է, որ «Դետրոյթ Փիստոնսի» ներկայիս մարզիչ Ռեքս Կալամյանի ու ֆեդերացիայի բանակցությունները հաջողությամբ ավարտվել և մասնագետը համաձայնել է գլխավորել Հայաստանի ընտրանին։
Ըստ աղբյուրի՝ Կալամյանն արդեն 30 տարի է աշխատում է NBA-ում։
Նա մեր հավաքականի ղեկին է լինելու Եվրոպայի փոքր երկրների առաջնության ժամանակ, որն անցկացվելու է հունիսի 28-ից հուլիսի 3-ը՝ Մալթայում։
