Բաքվում արտակարգ վայրէջք է կատարել «Ուրալյան ավիաուղիներին» պատկանող ինքնաթիռը: Վայրէջքի պատճառը ռումբի մասին տեղեկություններն են, հաղորդում է РИА Новости լրատվական գործակալությունը:
Բաքվի Հեյդար Ալիև միջազգային օդանավակայանի մամուլի ծառայության փոխանցմամբ՝ A321 ինքնաթիռը Բահրեյնից մեկնում էր Մոսկվա: Առաջին օդաչուի մոտ կասկածներ են առաջացել, որ ինքնաթիռում ռումբ կա: Օդաչուն օդանավում գտնվող 225 ուղևորներին և անձնակազմի անդամներին տարհանելու որոշում է կայացրել: Մամուլի ծառայությունը նաև հաղորդել է, որ օդանավակայանի բոլոր փրկարարական ծառայությունները բերվել են պատրաստության վիճակի:
Ինքնաթիռը վայրէջք է կատարել Մոսկվայի ժամանակով 13:56-ին:
Ադրբեջանում ՌԴ դեսպանատունը հաղորդել է, որ օդանավի ստուգման արդյունքում որևէ պայթուցիկ չի հայտնաբերվել:
ԽՈՐՀՈւՐԴ Է ՏՐՎՈւՄ ԿԱՐԴԱԼ
